Türkiyənin aşağı dəstə təmsilçisi “Girəsunspor” klubuna keçidi gündəmdə olan Ramal Hüseynov xoşagəlməz vəziyyətlə üzləşib. Milli komandamızın sabiq futbolçusu paytaxtın “Nəsimi” bazarı yaxınlığında avtomobil qəzasına düşüb. Belə ki, Hüseynovun idarə etdiyi BMW yol təmizləyən KAMAZ markalı avtomaşınla toqquşub.

Hadisə zamanı xəsarət almadığını deyən futbolçu apasport.az saytına bildirib ki, xeyli ziyana düşüb: “Hadisə dekabrın 31-də olub. Yol sürüşkən idi. Nə qədər etdimsə, maşını saxlaya bilmədim. Bir də onda gördüm ki, BMW sürüşüb yol təmizləyən KAMAZ-a çarpıldı. Yaxşı ki, xəsarət alan yoxdur. Amma maşınımın qabaq hissəsi dağılıb”.

Qeyd edək ki, Ramal Hüseynov hazırda müqavilə ilə “Bakı” klubuna məxsusdur.

• PSJ Mbappeyə 55 milyon avro ödəyə bilər
• AL: "Qalatasaray"ın oyunçusu həftənin qolu mükafatına namizəddir
• "Beşiktaş" "Lion"un seriyasına son qoyub
• ÇL: Vinisius həftənin ən yaxşı oyunçusu seçilib
• Milli komanda Mançini ilə yollarını ayırıb