19 yaşadək futbolçulardan ibarət Azərbaycan milli komandası Rusiyanın Sankt-Peterburq şəhərində FİFA-nın sabiq birinci vitse-prezidenti Valentin Qranatkinin xatirəsinə həsr olunan beynəlxalq turnirin startında uğursuzluğa düçar olub. Apasport.az saytının məlumatına görə, A qrupunda yer alan yığmamız ilk oyunda Belarusa uduzub - 0:1.

Qapımıza yeganə qol oyunun 38-ci dəqiqəsində vurulub. Hətta rəqib komandanın futbolçusunun 72-ci dəqiqədə qırmızı vərəqə ilə cəzalandırılması da Yaşar Vahabzadənin yetirmələrinin dadına çatmayıb. 18 dəqiqə say üstünlüyünə malik olan milli komandamız bundan yararlana bilməyib.

U-19 ikinci görüşünü yanvarın 7-də Rusiyaya qarşı keçirəcək. Təqvimə əsasən, futbolçularımız axırıncı turda, yanvarın 9-da çilili həmkarlarını sınağa çəkəcəklər. Yarışa həftənin bazar günü yekun vurulacaq.

• Almaniya millisində iki ciddi itki – Musiala və Haverts sıradan çıxdı
• Serdal Adalıdan “Qalatasaray”a atmaca: "Allah onlara səbir versin"
• Burak Yılmaz Superliqaya qayıtdı – “Çorum”un yeni baş məşqçisi oldu
• Roberto Karlos Ronaldoya “10 il” verdi – “Nə vaxt istəsə, onda da gedəcək”
• Türkiyə - Fransa matçı bu kanalda - TV AFİŞA