Bakının “Neftçi” klubu Antalyada ilk yoxlama görüşünü keçirib. Apasport.az saytının məlumatına görə, Hollandiyanın adlı-sanlı “Feyenoord” komandasıyla görüşdə dördqat Azərbaycan çempionu darmadağınla üzləşib. Belə ki, hollandların beş dəfə fərqləndiyi qarşılaşmada “Neftçi” Samir Əliyevin sayəsində yalnız bir qol vurub – 1:5.

Türkiyəli hakim Gencay Harmanın idarə etdiyi oyunda hesabı 11-ci dəqiqədə məşhur Roy Makay açıb. 10 dəqiqə sonra Fer penaltidən ikinci topu vurub. Birinci hissənin başa çatmasına 6 dəqiqə qalmış Fer özünün ikinci, komandasının üçüncü topunu vurub. İkinci hissədə Slori 58 və 68-ci dəqiqələrdə fərqlənməklə, hesabı biabırçı həddə çatdırıb. Bundan yalnız 7 dəqiqə sonra komandamız təsəlli qolunu vura bilib.

• La Liqa: “El Klasiko”nun qalibi kim olacaq?
• Okan Buruk əməliyyat olunub
• "Bayer"də itki
• Hans-Diter Flik: "Real"la oyunu səbirsizliklə gözləyirik"
• "Arsenal"la matç öncəsi "Liverpul"da itki