Karyerasını bitirən Valentin Belkeviç və “Bakı”ya keçən Mahmud Qurbanovun ardınca, Azərbaycan çempionu “İnter” daha bir futbolçusunu itirə bilər. Apasport.az saytının məlumatına görə, paytaxt təmsilçisinin yarımmüdafiəçisi Elvin Məmmədovun “Qarabağ”a keçəcəyi bildirilir.

Xəbərdə vurğulanır ki, hazırda Antalyada olan “İnter” klubunun yoldaşlıq görüşündə İordaniya yığmasına məğlubiyyətindən sonra baş məşqçi Valentin Xodukinlə yığmamızın gənc futbolçusu arasında narazılıq yaranıb. Ukraynalı çalışdırıcı Məmmədovun oyunundan razı qalmadığı üçün onun transferə çıxarılacağı gözlənilir.

Qeyd edək ki, “İnter”lə yanaşı, “Qarabağ” klubu da hazırda Antalyada təlim-məşq toplantısındadır.

• “Milan” 6 oyun sonra bunu bacardı
• “Barselona”dan ardıcıl 6-cı qələbə
• Keyn Sançonu geridə qoydu
• "Real" "Leypsiq"in müdafiəçisini istəyir
• Okan Buruk: “Startdan sona qədər rahat matç oldu”