İsrail ordusunun son 72 saat ərzində Qəzza bölgəsində apardığı hərbi əməliyyatlar zamanı Fələstin milli komandasının futbolçuları Ayman Alkurd, Şadi Sbahe və Vayex Moştaxe öldürülüblər. Apasport.az saytının lent.az-a istinadən məlumatına görə, hər üç oyunçu bombardman zamanı öz evlərində olublar.

Ayman Alkurd “Falasteen Al-Ryadi”, Şadi Sbaxe “Khadamat Alniserat”, Vayex Moştaxe isə “Gazas Ittihad Alshojaeya” klublarında oynayırmışlar. Hərbi əməliyyatlar üzündən “Rafah” stadionu da ciddi dağıntıya məruz qalıb. Həmin arenada Fələstinin “Ahli Alenserat” komandası ev oyunlarını keçirirmiş.