Azərbaycan yığmasının futbolçusu Branimir Subaşiçin çıxış etdiyi Serbiyanın “Srvena Zvezda” klubu növbəti yoxlama oyununu keçirib. Apasport.az saytının məlumatına görə, Kiprdə təlim-məşq toplanışı keçirən Belqrad təmsilçisi yerli “Onisilos”la qüvvəsini sınayıb. Hər hissədə bir heyətlə mübarizə aparan “Srvena Zvezda” 3:0 hesabı ilə qalib gəlib. Branimir ikinci hissədə meydana çıxan “11-lik”də yer alıb. Meydanda olduğu 8-ci dəqiqədə fərqlənən 27 yaşlı hücumçu komandasının sonuncu qoluna imza atıb.