Ağdamın “Qarabağ” klubunun futbolçusu Ayxan Abbasov cərrahiyyə əməliyyatı olunacaq. Apasport.az saytının məlumatına görə, 28 yaşlı oyunçu komandasının Türkiyənin Antalya şəhərindəki məşq prosesində əzələsini dartıb. İstanbula yollanacaq Ayxan orada cərrahi müdaxiləyə məruz qalacaq. Problemi ciddi olmayan Abbasovun artıq bir həftə sonra məşqlərə qatılacağı gözlənilir.

Qeyd edək ki, analoji zədə problemi olan “Qarabağ”ın digər yarımmüdafiəçisi Emin İmaməliyev artıq tam gücü ilə komandanın hazırlığında çalışır.