Türkiyənin Antalya şəhərində toplanışda olan Bakının “Neftçi” klubu növbəti yoxlama matçını keçirib. Komandanın mətbuat xidmətinin rəhbəri Səbuhi Səfiyarlının apasport.az saytına verdiyi məlumata görə, Rusiya təmsilçisi “Salyut-Enerji” ilə qarşılaşan flaqman oyunun gedişində hesabda geri qalsa da, sonradan bərabərlik topunu vuraraq, məğlubiyyətdən yaxa qurtarıb – 1:1.
İki gün sonra daha bir görüş keçirməyi planlaşdıran “Neftçi” yanvarın 24-də Vətənə qayıdacaq.
Qeyd edək ki, Rusiyanın birinci divizionunda çıxış edən “Salyut-Enerji” az öncə “Xəzər-Lənkəran”la keçirdiyi yoxlama oyununda 2:1 hesabı ilə qələbə qazanıb.