Bakının “İnter” klubunun “MDB və Baltikyanı ölkələrin çempionlarının Birlik Kuboku” turnirinin yarımfinalında qarşılaşacağı rəqib müəyyənləşib. Apasport.az saytının məlumatına görə, son Azərbaycan çempionu finala vəsiqə uğrunda görüşdə “Aktobe” (Qazaxıstan) ilə qarşılaşacaq.

Qeyd edək ki, “İnter” ¼ finalda “Reqar-TadAZ”ı (Tacikistan), “Aktobe” isə “MTZ-RİPO”nu mübarizədən kənarlaşdırıb. Digər yarımfinal matçında “Paxtakor” (Özbəkistan) Moldova “Şerif”i ilə üz-üzə gələcək.