Mərkəzi Ordu İdman Klubu (MOİK) Azərbaycan Premyer Liqasında iştirak etmək üçün tələb olunan lisenziyalaşdırma sənədlərini AFFA-ya təqdim etməyib. Bu haqda apasport.az saytına AFFA-nın baş katibi, Lisenziyalaşdırma qrupunun rəhbəri Elxan Məmmədov məlumat verib.

Assosiasiya rəhbərliyi 2009/10 mövsümündən etibarən Premyer Liqada oynamaq istəyən klubların daxili çempionat üçün nəzərdə tutulmuş lisenziya şərtlərinə əməl etməsindən ötrü “İdman və infrastruktur” meyarları üzrə sənədləri təqdim etməsinə yanvarın 15-dək möhlət qoymuşdu. Bu müddətədək MOİK istisna olmaqla, bütün komandalar sənədləri AFFA-ya göndəriblər.

Məmmədov bildirib ki, ordu klubu ilə bağlı müvafiq qərar tezliklə keçiriləcək Lisenziyalaşdırma Komissiyasının iclasında qəbul olunacaq.

• "Fənərbaxça" İsmail Kartal iddialarını təkzib edib
• "Barselona"ya təklif olunan qapıçılar müəyyənləşib
• Xavi və Pioli "Roma"nın təklifini rədd edib
• Sautqeyt Premyer Liqa klubunu çalışdıra bilər
• UEFA-dan "Fənərbaxça"ya fransız, "Beşiktaş"a ingilis hakim