Türkiyəyə yağan leysan Antalya şəhərində təlim-məşq toplanışında olan “Qarabağ” klubunun planlarını pozub. Apasport.az saytının məlumatına görə, güclü yağış yağdığından Ağdam təmsilçisinin bu günkü məşqi meydanda deyil, trenajor zalında baş tutub. Təxminən 1,5 saat davam edən məşq zamanı ağır alətlərlə yanaşı, gimnastik çalışma da yerinə yetirilib. Sabah isə Qurban Qurbanovun komandası növbəti yoxlama matçında qüvvəsini sınayacaq. Rəqib isə yerli “Urfaspor” klubu olacaq.