Azərbaycan yığmasının müdafiəçisi Rəşad Sadıqov az öncə 6 ay müddətinə müqavilə bağladığı “Kocaelispor” klubunun heyətində rəsmi görüşdə debüt edib. Apasport.az saytının məlumatına görə, həmyerlimiz Superliqanın 17-ci turunda “Hacettepe”yə 4:0 hesabı ilə qalib gəldikləri matçda forma geyinib. 35-ci dəqiqədə sarı vərəqə ilə cəzalandırılan həmyerlimizin oyununu türkiyəli jurnalistlər normal qiymətləndiriblər. Rəşaddan fərqli, digər həmvətənimiz Ramal Hüseynovun adı qarşılaşmanın protokoluna salınmayıb.