“Bakı” klubunda baxışda olan mərakeşli hücumçu Hasan Suari vətəninə qayıdıb. Apasport.az saytının məlumatına görə, komandanın baş məşqçisi Qyoko Hacıyevski 25 yaşlı futbolçunu bəyənib. Antalyada 12 gün “Bakı” ilə hazırlıq keçən, 4 yoxlama oyununda meydana çıxan Hasan cavab gözləyir.

Hacıyevski sərəncamında görmək istədiyi Suari ilə bağlı klub rəhbərliyinə müraciət edib: “Yaxşı təsir bağışlayan mərakeşli hücumçunu komandamda görmək istərdim. Mən Suari ilə bağlı öz fikrimi bildirdim. İndi son qərarı klubun vitse-prezidenti Zeynal Məmmədov verəcək”.

Hücumçu axtarışında olan “Bakı”nın Hasanı transfer edib-etməyəcəyi yaxın günlərdə bəlli olacaq. Paytaxt təmsilçisi müqavilə ilə bağlı danışıqlar nəticəsində şərtlərin münasibliyini götür-qoy edir.

• “Fənər”də ciddi itki - YOXLAMA MATÇINDA ZƏDƏLƏNİB
• Firmino karyerasını Qətərdə davam etdirəcək
• "Fənərbaxça"nın transferi ingilisləri heyrətə saldı: Trossardın transferi tamamlanıb
• “Nyukasl” ukraynalı müdafiəçi üçün 70 milyon avro ödəməyə hazırdır
• “Barselona” “Çelsi”nin futbolçusunu istəyir