Subaşiç Cənubi Koreyada oynayıb?
09.02.2009 - 15:57
Azərbaycan yığmasının futbolçusu Branimir Subaşiç Cənubi Koreyaya yollanıb. Apasport.az saytının məlumatına görə, 27 yaşlı hücumçunun düşərgəsində olduğu Çinin “Çanqçunq Yatay” klubu növbəti mövsümün hazırlığına yeni başlayıb. Ötən mövsüm Superliqada 6-cı yeri tutan Çanqçunq təmsilçisi Cənubi Koreyaya təlim-məşq toplanışına 30 nəfərlik heyətlə yollanıb. Artıq iki gündür baxışa və ya danışıqlara gələn 10-a yaxın legioner də komandanın düşərgəsinə qatılıb. Toplanışda üç yoxlama matçı keçirəcək çinlilər elə ilk qarşılaşmada yeni gələnlərin hamısını sınamaq qərarına gəlib. Cənubi Koreyanın “Conbuk Yunayted” klubu ilə görüş meydan sahiblərinin 2:0 hesablı qələbəsi ilə başa çatıb. Klubun rəsmi saytı yeni gələn oyunçuların, o cümlədən Branimirlə bağlı hansısa məlumata ehtiyac görmür.
0
0