“Arsenal” klubunun yeni transferi Andrey Arşavin kitab yazır. Apasport.az saytının məlumatına görə, “Futbol, qadınlar, pul və siyasətə aid 555 sual və cavab” adlı kitabda rusiyalı hücumçu bir sıra məqamlara toxunmaq niyyətindədir.

Rusiya futbol yığmasının üzvünün kitabında 1 suala verilən cavab daha böyük maraq doğurur: “İmkanım olsaydı, qadınların avtomobil sürmələrinə icazə verməzdim və dərhal sürücülük vəsiqələrini toplatdırardım. Bu qərarı geri götürmək haqda ikinci dəfə əsla düşünməzdim”.

Arşavin uşaqlıqda diş çəkdirməyə gedərkən, 4 həkimin əlindən qurtulub. Lakin sonradan daha böyük adamlar onu stula oturdub, dişini çəkməyə nail olublar: “Bu hadisədən sonra 20 ildir diş həkiminə getmirəm”.

28 yaşlı futbolçu “Arsenal”a transferi zamanı üzləşdiyi çətinliklərdən də danışıb: “Avro-2008-də transfer qiymətimin artması, “Arsenal”a keçidimə maneçilik törədirdi”.

• Messi tarixin ən yaxşısı seçildi
• “Mançester Yunayted”də ciddi itki
• Luis Enrikenin taleyinə aydınlıq gəlib
• Mbappe ən yaxşı adına layiq görüldü
• Şeşko karyerasını Premyer Liqada davam etdirə bilər