Hollandiyalı Qus Hiddinkin “Çelsi” klubunun baş məşqçisi postuna təyinatı rəsmiləşib. Apasport.az saytının məlumatına görə, bununla bağlı artıq “zadəganlar”ın rəsmi İnternet saytında da xəbər yerləşdirilib.

63 yaşlı mütəxəssis yeni vəzifədə iki gün öncə istefaya göndərilmiş braziliyalı Luis Felipe Skolarini əvəzləyib. Bununla da o, mayın sonunadək həm Rusiya yığmasını, həm də “Çelsi”ni çalışdıracaq.

Hiddink rusiyalıların Azərbaycan milli komandasına qarşı martın 28-də Moskvada keçirəcəkləri dünya çempionatının seçmə mərhələsinin oyununa həm də “Çelsi”nin baş məşqçisi kimi çıxacaq. O, London klubunun üzvləri ilə bu həftə görüşəcək. Onun “Çelsi”də 4 ay ərzində 2,5 milyon funt sterlinq qazanacağı gözlənilir.

• "Qarabağ"ın rəqibindən darmadağın - VİDEO
• “Mançester Yunayted” yeni baş məşqçi axtarır
• Premyer Liqa klubu Virtzi istəyir
• “Tottenhem”in futbolçusu: "Layiqli qələbə qazandıq"
• Sabiq "Fənərbaxça"lı güllələndi