“Xəzər-Lənkəran”ın yeni futbolçularının Azərbaycan Premyer Liqasının ikinci dövrəsində hansı nömrəli formanı daşıyacağı müəyyənləşib. Apasport.az saytının məlumatına görə, türkiyəli legionerlər Əhməd Dursun 6, Fatih Sonkaya 4 nömrəni daşıyacaq. İsveçli Nadir Bençena isə nəhs - 13 nömrəli formanın sahibinə çevrilib. Əhməd “Simurq”a icarəyə verilən Füzuli Məmmədovun nömrəsini ələ keçiribsə, digər iki legioner boş qalan rəqəmə üstünlük verib.

Komandanın düşərgəsində baxışda olan ukraynalı Oleq Kovalenko isə könlünü 99-a verib.
“Xəzər-Lənkəran” titul sponsorunu da dəyişib. Futbolçularımız bundan sonra yaxasında indiyədək olduğu kimi, “Palmali” yox, “PalSüd” yazılmış futbolkalarda çıxış edəcəklər.

Qeyd edək ki, “Xəzər Lənkəran” baş sponsoru “Palmali” Şirkətlər Qrupudur.

• "Qarabağ"ın rəqibindən darmadağın - VİDEO
• “Mançester Yunayted” yeni baş məşqçi axtarır
• Premyer Liqa klubu Virtzi istəyir
• “Tottenhem”in futbolçusu: "Layiqli qələbə qazandıq"
• Sabiq "Fənərbaxça"lı güllələndi