Türkiyədə həvəskar futbolçular arasında keçirilən oyunda maraqlı hadisə baş verib. Apasport.az saytının məlumatına görə, İstanbulda “Türkiyə Hava Yolları” və “Eyvazağa Esenspor” şirkətlərinin komandaları arasında görüşün hakimi 15 futbolçunu meydandan qovub və oyunu 73-cü dəqiqədə yarımçıq dayandırıb. O, “Türkiyə Hava Yolları”nın 8, “Eyvazağa Esenspor”un 7 futbolçusuna qırmızı vərəqə göstərib. Bu qədər oyunçunun meydandan çıxarılmasına kütləvi dava-dalaşın yaranması səbəb olub. Bir-birinə zərbələr endirən futbolçuların köməyinə tribunadan azarkeşlər də gəlib ki, polislər də onları güclə dağıda bilib. Bu vəziyyətdə hakimin oyunun yarımçıq dayandırmaqdan başqa çarəsi qalmayıb.

• Türkiyə millisi 3 futbolçunu heyətdən kənarlaşdırıb - MƏRC QALMAQALINA GÖRƏ
• “Qalatasaray” və “Beşiktaş”dan mərc araşdırması ilə bağlı açıqlama
• Eren Elmalı mərc oynadığını etiraf edib: “Beş il əvvəl…”
• “Qalatasaray”ın futbolçusu mərc qalmaqalı ilə bağlı açıqlama yayıb: DAHA DİQQƏTLİ OLACAĞAM
• “Real”ın heyətində daha bir İTKİ