AFFA-nın baş katibi UEFA-nın iclasında iştirak edəcək
16.02.2009 - 10:35
AFFA-nın baş katibi Elxan Məmmədov İsveçrəyə yollanıb. Apasport.az saytının məlumatına görə, baş katib bu gün UEFA-nın Nyon şəhərindəki mənzil-qərargahında keçiriləcək Fair Play və Sosial Məsuliyyət Komitəsinin iclasında iştirak edəcək. Məmmədovun məhz qurumun toplantısına qatılması təsadüfi deyil. Belə ki, o, UEFA-nın İcraiyyə Komitəsinin ötən il sentyabrın 25-26-da Fransanın Bordo şəhərində keçirilən iclasında Fair Play və Sosial Məsuliyyət Komitəsinin sədrinin 2-ci müavini seçilib. Məmmədovun orada fəaliyyət müddəti bu il iyunun 30-a kimi nəzərdə tutulub.
0
0