“Kamran Ağayev Almaniya Bundesliqasında olan rəqabətdən üstün ayrıla biləcək”. Apasport.az saytının məlumatına görə, bu sözləri Azərbaycan milli komandasının məşqçisi Uli Ştayn deyib.

Qapıçılarla çalışan 54 yaşlı alman mütəxəssis Ağayevin Bundesliqada parlayacağına inanır. Belə ki, Almaniya mətbuatının bu ölkədə yaranan qapıçı probleminə həsr olunan yazısına münasibət bildirən Ştayn Kamranı həmvətənlərinə nümunə göstərib: “Kamran Ağayev Berti Foqtsun sərəncamında olan ən perspektivli oyunçulardan biridir. 23 yaşlı bu qapıçı beynəlxalq səviyyəyə uyğun gəlir. Ümid edirəm ki, o, Almaniya klublarında uğur qazanacaq”.

Qeyd edək ki, uzun illər əfsanəvi Toni Şumaxerin əvəzləyicisi olan Ştayn 1986-cı ildə dünya çempionatının gümüş mükafatçısı olub.

• "Liverpul" Avropa çempionunu istəyir
• “Ulduz Cup”a yekun vuruldu
• Almaniyalı məşqçi yol qəzasında vəfat edib
• "Trabzonspor" Portuqaliya klubunun iki futbolçusunu transfer edib
• "Qarabağ"ın rəqibi futbolçusunu Türkiyə klubuna icarəyə göndərib