“Neftçi” tarixi ərzində Böyükağa Ağayevin rəhbərliyi altında qol buraxmayıb
07.03.2009 - 13:20
Almaniyalı baş məşqçi Hans-Yurgen Gedenin istefasından sonra Böyükağa Ağayevə tapşırılan Bakının “Neftçi” klubu bu mütəxəssisin rəhbərliyi altında qol buraxmayıb. Apasport.az saytının məlumatına görə, Azərbaycan Premyer Liqasının XVII turunda Zaqatalada “Simurq”la qarşılaşacaq flaqman tarixində 4-cü dəfə 62 yaşlı mütəxəssisin rəhbərliyi altında meydana çıxacaq.
16 il əvvəl ilk dəfə olaraq, müvəqqəti Ağayevə tapşırılan komanda Sergey Kramarenkonun komandanı tərk etməsindən sonra bu addımı atmışdı. 1993-cü ildə komandanı iki oyuna çıxaran mütəxəssis Vaqif Sadıqovun baş məşqçi postundakı debütünə qədər “Neftçi”yə rəhbərlik edib. Ağayevin meydana çıxardığı “Neftçi” mayın 8-də “Turan”la səfərdə 0:0 hesablı heç-heçə edib, 7 gün sonra öz meydanında “Kəpəz”ə 2:0 hesabı ilə qalib gəlmişdi.
Cari mövsümün birinci dövrəsində Anatoli Demyanenkonun istefasından sonra “Simurq”la ev matçında komandaya başçılıq edən çalışdırıcının yetirmələri həmin qarşılaşmada da qol buraxmadı – 0:0.
Qeyd edək ki, karyerası ərzində Azərbaycan milli komandası və “Neftçi”də köməkçi-məşqçi işləmiş Ağayev “Kür-Nur”, “Turan”, “Xəzər Universiteti”, U-19 və “Qarabağ”ın baş məşqçisi olub. O, yeganə titulunu ağdamlılarla qazanıb. Mütəxəssis 2005/06 mövsümündə “Qarabağ”la ölkə kubokuna sahib çıxıb. “Neftçi”nin avrokuboklara vəsiqə üçün yeganə yolu da kubokdan keçir ki, Ağayevin komandası burada məhz ağdamlılarla görüşəcək.
16 il əvvəl ilk dəfə olaraq, müvəqqəti Ağayevə tapşırılan komanda Sergey Kramarenkonun komandanı tərk etməsindən sonra bu addımı atmışdı. 1993-cü ildə komandanı iki oyuna çıxaran mütəxəssis Vaqif Sadıqovun baş məşqçi postundakı debütünə qədər “Neftçi”yə rəhbərlik edib. Ağayevin meydana çıxardığı “Neftçi” mayın 8-də “Turan”la səfərdə 0:0 hesablı heç-heçə edib, 7 gün sonra öz meydanında “Kəpəz”ə 2:0 hesabı ilə qalib gəlmişdi.
Cari mövsümün birinci dövrəsində Anatoli Demyanenkonun istefasından sonra “Simurq”la ev matçında komandaya başçılıq edən çalışdırıcının yetirmələri həmin qarşılaşmada da qol buraxmadı – 0:0.
Qeyd edək ki, karyerası ərzində Azərbaycan milli komandası və “Neftçi”də köməkçi-məşqçi işləmiş Ağayev “Kür-Nur”, “Turan”, “Xəzər Universiteti”, U-19 və “Qarabağ”ın baş məşqçisi olub. O, yeganə titulunu ağdamlılarla qazanıb. Mütəxəssis 2005/06 mövsümündə “Qarabağ”la ölkə kubokuna sahib çıxıb. “Neftçi”nin avrokuboklara vəsiqə üçün yeganə yolu da kubokdan keçir ki, Ağayevin komandası burada məhz ağdamlılarla görüşəcək.
0
0