Azərbaycan milli komandasının kapitanı Rəşad Sadıqovun çıxış etdiyi Türkiyənin “Kocaelispor” klubu növbəti dəfə sensasiyaya imza atıb. Apasport.az saytının məlumatına görə, İzmit təmsilçisi “Qalatasaray” üzərində böyükhesablı (5:2) qələbənin ardından, “Fənərbaxça”nı da səfərdə büdrədib. “Şükrü Saracoğlu” stadionunda keçirilən oyun 1:1 hesabı ilə başa çatıb.

Görüşün 2-ci dəqiqəsində Roberto Karlosun vurduğu qol sayəsində üstünlüyə yiyələnən “sarı-lacivərdlilər” qələbə hesabını qorumağı bacarmayıblar. Matçın 87-ci dəqiqəsində “Kocaelispor”un legioneri Julio Sezar tarazlığı bərpa edib və komandasının vacib oyunda 1 xal qazanmasına yardım edib.

Rəşad Sadıqov əsas heyətdə meydançaya çıxıb və 90 dəqiqə mübarizə aparıb. 27 yaşlı müdafiəçimiz yaxşı təsir bağışlayıb.

Məğlubiyyətsiz oyunlar seriyasını 4-ə çatdıran “Kocaelispor” 23 turdan sonra 19 xalla əvvəlki kimi, 17-ci yerdədir. Yalnız “Hacettepe”ni qabaqlayan izmitlilər Superliqada növbəti görüşü martın 21-də evdə “Ankaraspor” qarşı keçirəcəklər. Sadıqov isə bu oyuna qədər milli komandanın Bakıdakı üç günlük təlim-məşq toplanışına qatılacaq və “Ankaraspor”la görüşə özünü yetirəcək.

• Faciəvi ölümlə bağlı: Çempionlar Liqasında bir dəqiqəlik sükut
• Dirk Kuyt “Liverpul”la matçdan əvvəl iddialı danışdı: “Özümüzü göstərəcəyik”
• Türkiyə millisinin sabiq üzvü karyerasını BAŞA VURUB
• “Liverpul”un “Fənərbaxça” ilə oyun üçün heyəti açıqlandı – 7 itki
• “Vest Hem” baş məşqçisini istefaya göndərdi – RƏSMİ