Martın 28-də Azərbaycan yığması ilə oyuna çağırılan Roman Pavlyuçenkonun “Tottenhem”in əvəzedici komandasına göndərilməsi xəbəri Rusiyada rezonans doğurub. Apasport.az saytının məlumatına görə, dostlarından bu haqda xəbər tutan 27 yaşlı hücumçu məsələyə münasibətini bildirib: “Artıq dostlarım mənə bu informasiya ilə bağlı narahatçılıqlarını çatdırıblar. Bu, heç bir həqiqətə uyğun deyil. Bəli, son turda əvəzedici komandanın heyətində oynadım. Ancaq mən orada “Aston Villa” ilə görüşə sifariş olunmayan bir neçə futbolçu ilə birgə idim”.