Dünyanın ən gözəl idmançıları sırasında qadın futbolçu da yer alıb. Belə ki, İngiltərə milli komandasının yarımmüdafiəçisi Reyçel Yunit milyonların sevimli oyununu özü kimi gözəllərin arasında təmsil edib.

Apasport.az saytının məlumatına görə, həm oyun üslubu, həm də xarici görünüşü ilə ingilis futbolunun ən məşhur siması sayılan Devid Bekhemi xatırladan gözəlçə bənzədildiyi oyunçudan fərqli, sağ yox, sol cinahda oynayır. Futbolçu karyerasını “Volvz” klubunda başlayıb 18 yaşında “Everton”la anlaşan Reyçel bir il sonra “Fulhem”ə keçib.

Altı il əvvəl ölkə çempionu olan futbolçu 2004-cü ildə İngiltərədə ilin futbolçusu seçilib. Milli komandadakı 64 oyuna 4 top vuran ingilis gözəlçənin legioner karyerası da uğurlu alınıb. 27 yaşlı yarımmüdafiəçi hələ 4 il əvvəl ABŞ-a yollanaraq orada da çempion titulunu qazanıb.

• “Fənər”də ciddi itki - YOXLAMA MATÇINDA ZƏDƏLƏNİB
• Firmino karyerasını Qətərdə davam etdirəcək
• "Fənərbaxça"nın transferi ingilisləri heyrətə saldı: Trossardın transferi tamamlanıb
• “Nyukasl” ukraynalı müdafiəçi üçün 70 milyon avro ödəməyə hazırdır
• “Barselona” “Çelsi”nin futbolçusunu istəyir