İspaniyanın Navarra Universitetinin mütəxəssisləri futbolla bağlı apardığı araşdırmaların nəticələrini açıqlayıb. Apasport.az saytının məlumatına görə, universitetin ekspertləri neçə vaxtdır sürən tədqiqatlar sayəsində dünyanın ən dəyərli futbolçularının qiymətini müəyyənləşdirib.

Onların fikrincə, İspaniyanın “Real” klubunun “Mançester Yunayted”dən transfer etdiyi Kriştianu Ronaldo planetin ən qiymətli oyunçusudur. Lakin ekspertlər iddia edir ki, ingilislər madridliləri aldadıb. Belə ki, 93 milyon avroya satılan portuqaliyalının əsl dəyəri 82 milyondur. “Barselona”nın satmaq istəmədiyi Lionel Messi isə Ronaldodan sonra ikinci yeri tutub. Universitetin araşdırmaları argentinalının 80 milyon avroya bərabər futbolçu olduğunu üzə çıxarıb. Üçüncü olan ispaniyalı Fernando Torres isə liderlərdən çox geri qalır – 67 milyon avro.