"Simurq" və İsrailin "Bney Yehuda" klubları arasında ilk oyun Bakıda keçirilsə də, təmsilçimiz doğma zaqatalalı azarkeşlərin dəstəyindən məhrum olmayacaq. Apasport.az saytının məlumatına görə, Avropa Liqasının birinci təsnifat mərhələsində baş tutacaq matça bölgədən 5 avtobus azarkeş gələcək. Sevimli futbolçularını dəstəkləmək istəyən zaqatalalıların paytaxtda keçiriləcək qarşılaşmaya səfərini təmin etmək üçün “Simurq” rəhbərliyi onların nəqliyyat problemini həll etməyə qərar verib. Belə ki, iyulun 2-i səhər saat 09:30 "sarı-qaralı" azarkeşləri Bakıya gətirəcək 5 avtobus Zaqataladan yola düşəcək.

Qeyd edək ki, iyulun 2-də Bakının Tofiq Bəhramov adına Respublika stadionunda baş tutacaq oyun saat 20:00-da başlayacaq və arenaya giriş pulsuz olacaq.

• Braziliya Avstraliya ilə bacarmayıb
• Zidan Fransada yeni qadağa qoydu – Bərbərlər bazaya buraxılmayacaq
• Dursun Özbekdən Okan Buruka tam dəstək – “27-ci çempionluğa gedirik”
• Almaniya millisində iki ciddi itki – Musiala və Haverts sıradan çıxdı
• Serdal Adalıdan “Qalatasaray”a atmaca: "Allah onlara səbir versin"