“İnter” və “Simurq”un avroliqada oyunlarını idarə edəcək hakimlər bəlli oldu

29.06.2009 - 10:01

UEFA-nın rəsmi internet saytı Avropa Liqasının birinci təsnifat mərhələsinin oyunlarını idarə edəcək hakimlərin siyahısını açıqlayıb. Apasport.az saytının məlumatına görə, yarışa bu mərhələdən qoşulacaq Azərbaycan klublarının qarşılaşmalarının ədalət təmsilçiləri də müəyyənləşib.

Qitə futbol qurumu “İnter” və “Simurq”un həm iyulun 2-də keçirəcəkləri ilk, həm də bir həftə sonraya təsadüf edəcək cavab görüşlərinin hakimlər briqadasının təyinatını rəsmiləşdirib. Bu həftə baş tutacaq matçların hakim-inspektor və UEFA nümayəndəsi ilə bağlı suala da aydınlıq gəlib. Cavab oyunları ilə bağlı isə eyni sözü demək olmaz. Belə ki, iyulun 9-dakı qarşılaşmaların hakim-inspektorlarının adı açıqlanmır. Zaqatalalıların “Bney Yehuda” ilə Bakıdakı matçında slovakiyalı, İsraildəki qarşılaşmanı isə çexiyalı hakimlər briqadası idarə edəcək. “İnter”in “Spartak”la Slovakiyadakı oyunu Ukraynadan olan hakimlərə, gələn həftə keçiriləcək cavab qarşılaşması isə xorvatiyalılara həvalə olunub.

Avropa Liqası, birinci təsnifat mərhələsi
2 iyul, ilk oyunlar

“Simurq” – “Bney Yehuda” (İsrail)
Hakimlər: Riçard Truts, Marian Ruzbarski, Vlastislay Laskovski, Yozef Pavlik (hamısı Slovakiya)
Hakim-inspektor: Oğuz Sarvan (Türkiyə)
UEFA nümayəndəsi: David Delfelyer (Belçika)

“Spartak” (Slovakiya) - “İnter”
Hakimlər: Viktor Şvetsov, İqor Bıtskalo, Mikola Levko, Yuri Mojaroviç (hamısı Ukrayna)
Hakim-inspektor: Şandor Piller (Macarıstan)
UEFA nümayəndəsi: Qaetano Deqabriele (Malta)

9 iyun, cavab oyunları

“Bney Yehuda” – “Simurq”
Hakimlər: Radek Priqoda, Lyudek Lqodak, İvan Teuber, Roman Hrubeş (hamısı Çexiya)
UEFA nümayəndəsi: Karmelo Bartolo (Malta)

“İnter” – “Spartak”
Hakimlər: Ante Vuçemiloviç-Şimunoviç, Tomislav Şetka, Dalibor Konçar, İqor Krıjariç (hamısı Xorvatiya)
UEFA nümayəndəsi: Joel Volf (Lüksemburq)