Azərbaycan milli komandasının heyəti açıqlanıb. AFFA-nın İnformasiya və İctimaiyyətlə Əlaqələr Departamentindən apasport.az saytına verilən məlumata görə, DÇ-2010-nun seçmə mərhələsində almanlarla avqustun 12-də baş tutacaq oyuna hazırlaşan yığmamızın iyulun 27-dən avqustun 6-dək İsveçrənin Sürix şəhərində, avqustun 7-dən 12-dək Bakıda keçirəcəyi təlim-məşq toplanışına 22 futbolçu dəvət alıb.

Baş məşqçi Berti Foqts Çinin “Çnqçun Yatay” klubunda oynayan Branimir Subaşiç, həmçinin Aleksandr Çertoqanov və Leandro Qomeşi yığmaya dəvət etməyib. Bu milliləşən legionerlər demək olar ki, həmişə Foqtsun siyahısında yer alırdı. Bu dəfə isə hər üç futbolçu ehtiyat oyunçular sırasındadır. Əvəzində alman mütəxəssis uzun fasilədən sonra Elnur Allahverdiyevə dəvət göndərib, Elvin Məmmədovu isə qısa fasilədən sonra geri qaytarıb.

Qapıçılar: Fərhad Vəliyev (“Qarabağ”), Rauf Mehdiyev (“Simurq”), Səlahət Ağayev (“İnter”).

Müdafiəçilər: Rəşad Sadıqov (klubsuz), Cəmşid Məhərrəmov, Elnur Allahverdiyev (hər ikisi “Qarabağ”), Vladimir Levin, Samir Abbasov, Mahir Şükürov (hamısı “İnter”), Sergey Sokolov (“Simurq”), Saşa Yunisoğlu (“Bakı”), Rail Məlikov (“Neftçi”), Ernani Pereyra (klubsuz),

Yarımmüdafiəçilər: Elvin Məmmədov (“Qarabağ”), Cavid Hüseynov (“İnter”), Fabio Luis Ramim (“Bakı”), Elmar Baxşıyev, Araz Abdullayev (hər ikisi “Neftçi”), Zeynal Zeynalov (“Standard”),

Hücumçular: Daniel Axtyamov (“Minsk”, Belarus), Vüqar Nadirov, Vaqif Cavadov (hər ikisi “Qarabağ”).

Ehtiyat oyunçular: Elçin Sadıqov, Tural Nərimanov (hər ikisi “Neftçi”), Tural Cəlilov (“Simurq”), Aleksandr Çertoqanov (“İnter”), Aqil Nəbiyev, Leandro Qomeş (hər ikisi “Olimpik-Şüvəlan”), Rahid Əmirquliyev (“Xəzər-Lənkəran”), Branimir Subasiç (“Çanqçun Yatay”, Çin)

• "Trabzonspor" – "Qalatasaray" matçı bu kanalda
• De Bruyne "Liverpul"a keçəcək?
• "Arsenal" heyətini ispaniyalı yarımmüdafiəçi ilə gücləndirəcək
• "Fənərbaxça"lı futbolçular arasında gərginlik - VİDEO
• FIFA irqçiliklə bağlı qanunları sərtləşdirib