Azərbaycan Premyer Liqasının 2009/10 mövsümündə “Turan” klubunun iştirakı məsələsinə aydınlıq gəlməkdədir. Apasport.az saytının məlumatına görə, maddi problemlər ucbatından dağılmaq təhlükəsi ilə üz-üzə qalan Tovuz təmsilçisi böyük ehtimalla, növbəti çempionatda qüvvəsini sınayacaq.

Belə ki, komandanı yenidən “Taimex” şirkətinin himayəyə götürəcəyi bildirilir. Adıçəkilən şirkət əvvəllər də “Turan”ın sponsoru olub. “Taimex”in rəhbəri Tahir Yusifov isə klubun boş qalmış prezident postunu tutacaq.

Qarşıdakı çempionata yaxşı hazırlaşmaq üçün komandanın heyətinə təcrübəli futbolçuların cəlb olunması, təlim-məşq toplanışlarının təşkili nəzərdə tutulub.

Qeyd edək ki, “Turan” ötən mövsüm 20 xalla Premyer Liqada 11-ci pillədə qərarlaşıb.

• Premyer Liqada ayın məşqçisi müəyyənləşdi
• “Liverpul”un üzvü ayın ən yaxşısı seçildi
• Premyer Liqada mövsümün oyunçusu məlum oldu
• "Bayer" Xabi ilə vidalaşdı - Rəsmi
• Türkiyə - İspaniya matçının keçiriləcəyi stadion açıqlanıb