Azərbaycan klubları Avroliqada yeni mövsümə məğlubiyyətlə başlayıb. Apasport.az saytının məlumatına görə, “Simurq” Bakıda “Bney Yehuda”ya (İsrail), “İnter” Trnavada “Spartak”a minimal hesabla uduzub.

Avrokuboklarda debüt edən Zaqatala təmsilçisi görüşün sonuna 8 dəqiqə qalmış, əvəzetmədən meydana çıxmış Bitonun vurduğu qol sayəsində meydanı məğlub tərk edib. Bu epizodda qapıçı Rauf Mehdiyevi çıxışda müdafiəçilər sığortalamayıb və sol cinah müdafiəçisi Kaxaber Çxetiani rəqibə hava mübarizəsində uduzub.

Gürcü mütəxəssis Kaxaber Sxadadze “İnter”in baş məşqçi postunda debütünü məğlubiyyətlə qeyd edib. “Karvan”ın üç il öncə hər iki görüşdə eyni hesabla məğlub etdiyi (1:0) “Spartak” bunun əvəzini digər komandamızdan çıxıb. Slovakiyada ilk hissənin ortasında Kojuxun 6 dəqiqəyə etdiyi dubl sayəsində vitse-çempionumuz çətin vəziyyətə düşüb. “İnter”ə növbəti mərhələyə çıxmağa böyük ümid verən qolun müəllifi Sxadadzenin yaxşı tanıdığı Anhel Qutyerres olub. Uruqvaylı hücumçu yeni klubunda ilk oyunda qol vurub. Bu səfər qolu “İnter”in növbəti mərhələyə çıxmaq şanslarını artırır.

2 iyul
Avroliqa, birinci təsnifat mərhələsi, ilk oyunlar

“Simurq” (Azərbaycan) – “Bney Yehuda” (İsrail) - 0:1
QOL: Biton,82
Hakimlər: Riçard Truts, Marian Ruzbarski, Vlastislay Laskovski, Yozef Pavlik (hamısı Slovakiya)
Hakim-inspektor: Oğuz Sarvan (Türkiyə)
UEFA nümayəndəsi: David Delfelyer (Belçika)

“Simurq”: Rauf Mehdiyev, Aleksandr Malıgin, Yuri Bulıçev, Sergey Sokolov, Kaxaber Çxetiani, Gennadi Solonitsin, Mixail Maxviladze, Roman Axalkatsi, David Bolkvadze, Sergey Artyux, Nikolay Petrov-Valev.

“Bney Yehuda”: Dele Alyenuqba, Keir Ederi, Vidio Hadad, Ezra Rali, Din Mori, Liroy Jairi, Assi Baqrut, Eliran Atar, Pedro Qalvan, Hasan Əbu Zaid, Mahran Radi.

“Spartak” (Slovakiya) - “İnter” (Azərbaycan) - 2:1
QOLLAR: Kojux, 20; 26 - Qutyerres, 80
Hakimlər: Viktor Şvetsov, İqor Bıtskalo, Mikola Levko, Yuri Mojaroviç (hamısı Ukrayna)
Hakim-inspektor: Şandor Piller (Macarıstan)
UEFA nümayəndəsi: Qaetano Deqabriele (Malta)

“Spartak”: Kral, Dolejay, Proxazka, Duriş, Kojux, Kopyunek, Xruşka, L.Xanjel, Kotula, Amdi, Şukennik.

“İnter”: Vilson, Şükürov, Abbasov, Assioli, İsmayılov, Çervenka, Çertoqanov, Rubin, Zlatinov, Hüseynov, Qutyerres.


“Sutyeska” (Çernoqoriya) - MTZ-RİPO (Belarus) - 1:1
“Olimpi” (Gürcüstan) - “B-36 Torshavn” (Farer adaları) – 2:0
“Dinaburq” (Latviya) - “Kalyu” (Estoniya) – 2:1
“Banants” (Ermənistan) - “Şiroki Briyeq” (Bosniya və Herseqovina) – 0:2
“Simurq” (Azərbaycan) - “Bney İequda” (İsrail) – 0:1
“Laxti” (Finlandiya) - “Dinamo” (Albaniya) – 4:1
“Valletta” (Malta) - “Keflavik” (İslandiya) – 3:0
“Dinamo” (Belarus) - “Renova” (Makedoniya) – 2:1
“Trans” (Estoniya) - “Rudar” (Sloveniya) – 0:3
“Zimbru” (Moldova) - “Okşetpes” (Qazaxıstan) – 1:2
“Anortosis” (Kipr) - “Karyenq” (Lüksemburq) – 5:0
“Qrevenmaher” (Lüksemburq) - “Vetra” (Litva) – 0:0
“Haladaş” (Macarıstan) - “İrtış” (Qazaxıstan) – 1:0
“Randers” (Danimarka) - “Linfild” (Şimali İrlandiya) – 4:0
“Slaven” (Xorvatiya) - “Birkirkara” (Malta) – 1:0
“Spartak” (Slovakiya) - “İnter” (Azərbaycan) – 2:1
“NSİ Runavik” (Farer adaları) – “Rusenborq” (Norveç) – 0:3
“Silqo Rovers” (İrlandiya) – “Vlajniya” (Albaniya) – 1:2
“Buduçnost” (Serbiya) – “Poloniya” (Polşa) – 0:2
“Helsinborq” (İsveç) – “Mika” (Ermənistan) – 3:1
“Lisburqn” (Şimali İrlandiya) – “Zestafoni” (Gürcüstan) – 1:5
“Fram” (İslandiya) – TNS (Uels) – 2:1
“Mozervell” (Şotlandiya) – “LLanelli” (Uels) – 0:1

• Premyer Liqada ayın məşqçisi müəyyənləşdi
• “Liverpul”un üzvü ayın ən yaxşısı seçildi
• Premyer Liqada mövsümün oyunçusu məlum oldu
• "Bayer" Xabi ilə vidalaşdı - Rəsmi
• Türkiyə - İspaniya matçının keçiriləcəyi stadion açıqlanıb