“Komandamız əla oynadı. Rəqib Sloveniyanın ən güclülərindən biri idi. Heyətində Avropa və dünya çempionatlarında oynayan təcrübəli futbolçular var. 3 gün əvvəl "Olimpiya" yoldaşlıq oyununda Praqanın "Sparta" klubuna 2:1 hesabı ilə qalib gəlmişdi”. Apasport.az saytının məlumatına görə, bu sözləri “Bakı” klubunun baş məşqçisi Qyoko Hacıyevski deyib.

Yoldaşlıq oyununda “Olimpiya” üzərində qazanılan qələbədən sonra makedoniyalı çalışdırıcı bildirib ki, komandası sürətli və yaradıcı oyunu ilə rəqibi ilk dəqiqələrdən çaş-baş saldı: “Əvvəldən üstünlüyə yiyələnib sonadək nəzarəti əldən vermədik. Cinahlardan təşkil etdiyimiz sürətli hücumlar "Olimpiya" üçün qarşısıalınmaz problemə çevrildi. Oyunda vurulan qolların hamısı məntiqə uyğun idi. Hesab qürurvericidir, Sloveniya liderinə 4:0 hesabı ilə qalib gəlmişik. Ancaq məni bundan daha artıq sevindirən "Bakı"nın nümayiş etdirdiyi səviyyəli və ağıllı oyundur”.

bakifc.az

• De Bruyne "Liverpul"a keçəcək?
• "Arsenal" heyətini ispaniyalı yarımmüdafiəçi ilə gücləndirəcək
• "Fənərbaxça"lı futbolçular arasında gərginlik - VİDEO
• FIFA irqçiliklə bağlı qanunları sərtləşdirib
• “Çelsi”nin kapitanı: “Bu turnirdə də qələbə qazanacağımızı gözləyirik”