AFFA-nın Hakimlər Komitəsinin sabiq sədri Murad Məmmədov Çernoqoriyaya gedəcək. Apasport.az saytının məlumatına görə, beynəlxalq dərəcəli hakim-inspektorumuz Avroliqanın ikinci təsnifat mərhələsi çərçivəsində Çernoqoriyanın “Pekrovaç” klubu ilə birinci təsnifat mərhələsinin “Anortosis” (Kipr) – “Karyenq” (Lüksemburq) cütünün qalibi arasında keçiriləcək oyunda iş başında olacaq. Bu, cavab görüşü iyulun 23-də olacaq. Ötən mövsüm Çempionlar Liqasının qrup mərhələsində iştirak edən “Anortosis”in ilk oyunda 5:0 hesabı ilə məğlub etdiyini nəzərə alsaq, çernoqoriyalılara rəqib olacağı şübhə doğurmur.

Qeyd edək ki, Murad Məmmədov artıq xeyli vaxtdır beynəlxalq dərəcəli hakim-inspektordur.