Çempionlar Liqasının 2009/10 mövsümündə ilk təsnifat mərhələsinin oyunları başa çatıb. Apasport.az saytının məlumatına görə, “San-Xulia”nın (Andorra) ardınca Çernoqoriyanın “Moqren” klubu da ikinci təsnifat mərhələsinə yüksələrək, ölkəmizi bu turnirdə təmsil edəcək “Bakı”nın potensial rəqibi olub. Səfərdə “Haybernians”ı (Malta) məğlub edən (2:0) çernoqoriyalılar evdə böyük hesablı qələbə qazanıb – 4:0. “Moqren” ikinci təsnifat mərhələsində Danimarkanın “Kopenhagen” klubu ilə görüşəcək.

Qeyd edək ki, “San-Xulia”nın ikinci təsnifat mərhələsində rəqibi Bolqarıstanın “Levski” klubudur.