“Çernışevlə bir neçə gün əvvəl danışmışdıq. Müqavilə məsələsini özümüz ləngidirdik ki, görək barəsində daha nə öyrənə bilirik”. Bunu apasport.az saytını açıqlamasında “Standard” klubunun vitse-prezidenti Rəzzaq Babayev deyib.

Klub rəsmisi rusiyalı məşqçi Andrey Çernışevlə ortaq məxrəcə gələ bilməmələrini belə izah edib: “Məsləhət belə oldu ki, İvanauskası gətirək. Litvalı məşqçi və futbolçu kimi daha məşhurdur. Düzü, inanmırdım ki, vaxtilə "Hamburq”da oynamış, "Harts"a Şotlandiya kubokunu və ölkə çempionatının bürünc medallarını qazandırmış bir məşqçi Azərbaycana gələr. Amma onu razı salmaq mümkün oldu. İki günə Bakıdadır. Müqavilə şərtlərini razılaşdırmışıq. İnanıram ki, litvalı məşqçi "Standard"da öz sözünü deyəcək".