Uels milli komandasının sabiq üzvü Con Hartsonda ağır xəstəlik aşkarlanıb. Apasport.az saytının məlumatına görə, 34 yaşlı veteran futbolçuda beyin xərçəngi tapılıb. Bu diaqnoz Hartsonun müayinədən keçdiyi klinikada verilib. O, başı ağrıdığı üçün klinikaya gedib. Lakin müayinə zamanı onun xərçəng xəstəliyinə tutulduğu müəyyənləşib.

Xatırladaq ki, Hartson vaxtilə yığmanın heyətində Azərbaycan milli komandasının qapısına iki qol vurub. O, 2002-ci il noyabrın 20-də Bakıda, eləcə də 2003-cü il martın 29-da Kardiffdə keçirilən oyunda fərqlənib. Hər iki matç uelslilərin qələbəsi ilə yekunlaşıb - 2:0; 4:0. Hücumçu karyerasını ötən ilin fevralında başa çatdırıb.

• Liqa 1-də tur qolsuz bərabərliklə başlayıb
• "Barselona" İspaniya millisinin futbolçusunu 60 milyona ala bilər
• Bundesliqa: “Borussiya”dan çətin qələbə
• Suarez "İnter Mayami"də qalacaq?
• Luis Suarez “İnter Mayami” ilə bağlı qərarını verib