AFFA-nın “Akademiya” (U15) komandası bu gün Türkiyənin İstanbul şəhərinə yollanıb. Assosiasiyanın İnformasiya və İctimaiyyətlə Əlaqələr Departamentindən apasport.az saytına verilən məlumata görə, AFFA və “Fənərbaxça” rəhbərlikləri arasında əldə olunan razılığa əsasən yeniyetmə futbolçularımız bu klubun İstanbuldakı bazasında yaşayaraq, məşq edəcəklər.

Daha sonra perspektivli uşaqların “Fənərbaxça”da uzun müddətə qalması və peşəkarlığını artırması nəzərdə tutulub. AFFA-nın “Fənərbaxça” ilə perspektiv əməkdaşlığının detallarını müzakirə etmək məqsədilə baş katib Elxan Məmmədov da İstanbula gedib.

Təbriz Həsənovun başçılıq etdiyi “Akademiya”nın heyətində 21 futbolçu yer alıb:

Qurbanəli Əliyev, Adil Nağıyev, Coşqun Diniyev, Fuad İslamzadə, Rauf Əliyev, Seyidrazi Ağayev, Mənsur Nəhavəndi (hamısı “İnter”), Eyyub Əliyev, Əmrəli Quliyev, Pərviz Qaraxanlı, Ravil Məmmədov (hamısı “Neftçi” PFK), Yusif Bağırov (“Bakı”), Anar Babayev, Vahid Quliyev (hər ikisi “Neftçi” İSM), Elşad Quliyev, Sadiq Quliyev, Turqut Əlizadə (hamısı “MKT-Araz”), Budaq Nəsirov (“Turan”), Kənan Manaflı, Elnur Süleymanov (hər ikisi “Xudafərin”), Etibar Süleymanov (“Neftçi”).

• Liqa 1-də tur qolsuz bərabərliklə başlayıb
• "Barselona" İspaniya millisinin futbolçusunu 60 milyona ala bilər
• Bundesliqa: “Borussiya”dan çətin qələbə
• Suarez "İnter Mayami"də qalacaq?
• Luis Suarez “İnter Mayami” ilə bağlı qərarını verib