“Bakı”nın “Ekranas”la görüşdə oyunundan razı qaldım. Fikrimcə, ikinci hissədə komandamız daha yaxşı oyun nümayiş etdirdi”. Apasport.az saytının məlumatına görə, bu fikirləri Azərbaycanın Litvadakı səfiri Naira Şahtaxtinskaya deyib.

Oyunu stadiondan izləmək üçün Panevejis şəhərinə gələn Şahtaxtinskaya futbola ilk dəfə gəldiyini bildirib: “Bu, “Bakı”nın oyununa təsadüf etdi. Çox şadam ki, ilk dəfə futbola gəldiyim zamanı yüksək səviyyədə oyun gördüm. Komandamızdan 77 (Soliç) və sonradan meydana daxil 30 nömrəli (Batista) futbolçunun oyunu xoşuma gəldi. 4 nömrə (Borets) də pis deyildi. Səfərdə oynamalarına baxmayaraq, futbolçular çox sərbəstdirlər”.

Şahtaxtinskaya bir həftə sonra keçiriləcək cavab görüşünü da stadiondan izləyəcəyini istisna edib: “Əgər imkan olsa, mütləq gələcəyəm. Mənə elə gəlir ki, mərhələ keçmək şansımız Bakıda daha çox olacaq. İnşallah, növbəti mərhələyə yüksələcəyik. Çünki əgər səfərdə belə yaxşı oynayıblarsa, onda öz meydanlarında daha yaxşı oynayacaqlar. Bakıda çox gözəl bir oyun gözləyirik”.

• Liqa 1-də tur qolsuz bərabərliklə başlayıb
• "Barselona" İspaniya millisinin futbolçusunu 60 milyona ala bilər
• Bundesliqa: “Borussiya”dan çətin qələbə
• Suarez "İnter Mayami"də qalacaq?
• Luis Suarez “İnter Mayami” ilə bağlı qərarını verib