Avroliqanın ikinci təsnifat mərhələsindəki təmsilçimiz “Qarabağ” “Rusenborq”la qarşılaşmaq üçün Norveçə yollanıb. Apasport.az-ın klubun rəsmi İnternet saytına istinadən məlumatına görə, İstanbul-Oslo-Tronheym reysi ilə uçan Ağdam komandası dünən günün ikinci yarısında mənzilə yetişib.

Tronheymə çatdıqdan 3 saat sonra Qurban Qurbanov yetirmələrinə məşq keçib. Ancaq “Qarabağ”ı “Rusenborq”un əsas meydançasına buraxmayıblar. Gün ərzində yağış yağdığından, norveçlilər məşq zamanı ot örtüyünün yararsız vəziyyətə düşəcəyindən ehtiyatlanıblar. Belə olan halda, ağdamlılar “Rusenborq”un ikinci meydançasında məşq etmək məcburiyyətində qalıblar.

Xatırladaq ki, “Qarabağ” “Rusenborq”la sabah qarşılaşacaq.

• Liqa 1-də tur qolsuz bərabərliklə başlayıb
• "Barselona" İspaniya millisinin futbolçusunu 60 milyona ala bilər
• Bundesliqa: “Borussiya”dan çətin qələbə
• Suarez "İnter Mayami"də qalacaq?
• Luis Suarez “İnter Mayami” ilə bağlı qərarını verib