“Bayrampaşa” üzərində 4:0 hesablı qələbədən sonra gündə 2 dəfə məşqləri davam etdirən “Neftçi” Türkiyə toplanışında daha çox texniki-taktiki hazırlığa üstünlük verir. Klubun mətbuat xidmətindən apasport.az saytına verilən məlumata görə, heyətdəki bütün futbolçuların tam güclə çalışması məşqlərin intensivliyini də artırır.

Baş məşqçi Böyükağa Ağayev hazırlığın gedişindən razı qaldığını bildirib: “Bir neçə oyunçunun milli komandaların düşərgəsinə yollanmasına baxmayaraq, heyətin digər üzvləri onların yoxluğunu hiss etdirməməyə çalışır. Əsas məqsədimiz çempionatın ilk turunadək futbolçuları tam hazır vəziyyətə gətirməkdir”.

“Neftçi” Kartəpədə növbəti yoxlama oyununu bu gün keçirəcək. Rəqib Bank Asya 1-ci liqasında çıxış edən “Adanaspor” klubu olacaq.