Çempionlar Liqasının cari mövsümünün bombardirlərinin siyahısı açıqlanıb. Apasport.az saytının məlumatına görə, Avropanın ən nüfuzlu klub turnirinin üçüncü təsnifat mərhələsindən sonra məhsuldar oyunçular sırasında “Bakı” klubu da təmsil olunub.

Komandasının keçirdiyi 4 oyunda 3 dəfə fərqlənən Feliks Felipe Almeyda bombardirlər yarışında 3-cü pillədə qərarlaşıb. Braziliyalı hücumçu hərəyə 4 qol vuran iki futbolçudan - Danimarkanın “Kopenhagen” klubunun üzvü Dame Ndoye və Serbiya “Partizan”ının şərəfini qoruyan Kleodan geri qalır.

Üçüncü pillədə isə Feliks də daxil olmaqla, 6 oyunçu var. Onunla yanaşı, Sergey Krivets (BATE, Belarus), Markos Tavares (“Maribor”, Sloveniya), Georgi Xristov (“Levski”, Bolqarıstan), Matçin Jevlyakov və Nenad Mirasavlyeviç (hər ikisi “Apoel”, Kipr) də 3 qol vurub. Amma Feliks, Krivets və Tavares siyahıda daha irəliləyə bilməyəcəklər. Çünki onların komandaları Çempionlar Liqasında mübarizəni erkən dayandırıblar.

• "Sassuolo"nun hücumçusu "Beşiktaş"ın hədəfində
• İspaniyadan Superkubok qərarı
• Kvaratsxeliya ən yaxşı seçildi
• Türkiyə Kubokunda komanda meydandan çəkildi, matç dayandırıldı - VİDEO
• İkardi qışda "Qalataray"dan ayrıla bilər