Zaqatalanın “Simurq” klubunun sabiq futbolçusu Aleksandr Poklonski karyerasını bitirmək qərarına gəlib. Apasport.az saytının məlumatına görə, bir vaxtlar Ukrayna milli komandasının formasını geyinmiş 34 yaşlı müdafiəçi bundan sonra məşqçilik fəaliyyəti ilə məşğul olacaq.

“Dnepr” klubundakı çıxışları ilə tanınan və həmin komandadan yığmaya cəlb olunan Poklonski artıq məşqçilik kurslarına hazırlaşır.

Qeyd edək ki, Aleksandr 2007-ci ilin yayında Azərbaycana təşrif buyurmuşdu. O zaman “Simurq”a transfer olunan müdafiəçi 2007/08 mövsümünün ilk iki turunda meydana çıxdıqdan sonra zədələnərək, uzun müddət yaşıl meydanlardan kənar qalmışdı. Nəticədə o, vətəninə qayıdıb, “Neftyanik-Ukrnafta” ilə müqavilə bağlayıb.

• "Sassuolo"nun hücumçusu "Beşiktaş"ın hədəfində
• İspaniyadan Superkubok qərarı
• Kvaratsxeliya ən yaxşı seçildi
• Türkiyə Kubokunda komanda meydandan çəkildi, matç dayandırıldı - VİDEO
• İkardi qışda "Qalataray"dan ayrıla bilər