Daha bir oyun təxirə salındı
10.08.2009 - 15:09
Azərbaycan çempionatının daha bir oyunu təxirə salınıb. Peşəkar Futbol Liqasının (PFL) mətbuat xidmətindən apasport.az saytına verilən məlumata görə, bu dəfə “Neftçi” rəhbərliyinin müraciəti müsbət cavablandırılıb.
Lakin flaqman PFL-dən əsas deyil, əvəzedici komandanın oyununun başqa vaxta keçirilməsini xahiş edib. “Neftçi” rəsmiləri bunu əvəzedici heyətin 7 üzvünün U-19-un heyətində beynəlxalq turnirdə, 3 üzvünün isə U-17-nin tərkibində təlim-məşq toplanışında iştirak edəcəyi ilə əlaqələndirib. Müraciəti nəzərə alan PFL Premyer Liqada yarışan klubların əvəzedici heyətlərinin I turu çərçivəsində avqustun 15-də keçirilməli olan "Olimpik-Şüvəlan" - "Neftçi" oyununu təxirə salmaq qərarına gəlib.
Qeyd edək ki, qurum öncə Avroliqada mübarizə aparan “Bakı” və “Qarabağ”ın matçlarını təxirə salıb. Elə bu səbəbdən I turda "Xəzər-Lənkəran" - "Bakı", "Turan" - "Qarabağ", II turda isə "Bakı" - "Standard" və "Qarabağ" - "Qəbələ" oyunları da qeyri-müəyyən vaxta təxirə salınıb.
Lakin flaqman PFL-dən əsas deyil, əvəzedici komandanın oyununun başqa vaxta keçirilməsini xahiş edib. “Neftçi” rəsmiləri bunu əvəzedici heyətin 7 üzvünün U-19-un heyətində beynəlxalq turnirdə, 3 üzvünün isə U-17-nin tərkibində təlim-məşq toplanışında iştirak edəcəyi ilə əlaqələndirib. Müraciəti nəzərə alan PFL Premyer Liqada yarışan klubların əvəzedici heyətlərinin I turu çərçivəsində avqustun 15-də keçirilməli olan "Olimpik-Şüvəlan" - "Neftçi" oyununu təxirə salmaq qərarına gəlib.
Qeyd edək ki, qurum öncə Avroliqada mübarizə aparan “Bakı” və “Qarabağ”ın matçlarını təxirə salıb. Elə bu səbəbdən I turda "Xəzər-Lənkəran" - "Bakı", "Turan" - "Qarabağ", II turda isə "Bakı" - "Standard" və "Qarabağ" - "Qəbələ" oyunları da qeyri-müəyyən vaxta təxirə salınıb.
0
0