Ağdamın “Qarabağ” klubunun Avropa Liqasının dördüncü təsnifat mərhələsi çərçivəsində keçirəcəyi hər iki oyunun vaxtı müəyyənləşib. Apasport.az saytının məlumatına görə, Hollandiyanın “Tvente” klubu ilə avqustun 20-də oynanılacaq matç Bakı vaxtı ilə saat 23:00-da başlanacaq.

Enshede şəhərindəki qarşılaşma “De Qrols Veste” stadionunda olacaq. Bu arena 24244 tamaşaçı tutumuna malikdir.

Bakıda təşkil olunacaq cavab oyunu isə avqustun 27-də saat 20:00-da Tofiq Bəhramov adına Respublika stadionunda keçiriləcək.