“Gücümüzün 90 faizini ortaya qoymaqla Azərbaycan yığmasını məğlub edəcəyimizi düşünsək, bu, bizim üçün ağır nəticələnə bilər”. Apasport.az saytının məlumatına görə, bu sözləri Almaniya milli komandasının baş məqşçisi Yoahim Löv deyib.

Dünya çempionatının sabah keçiriləcək seçmə oyununda Azərbaycanla qarşılaşacaq Bundestimin çalışdırıcısı qarşılaşma ərəfəsində fikirlərini açıqlayıb. Matçdan bir gün əvvəl təşkil olunan mətbuat konfransına gəlməyən Löv əcnəbi jurnalistlərə danışmağa razılıq verib: “Bakıda mütləq qalib gəlməliyik. Yalnız bu yolla birinci pillədəki mövqeyimizi qoruya bilərik. Matça az da olsa vaxtımız var və Miroslav Klozenin bu qarşılaşmada oynayacağına ümidimiz qalır”.