Avrokuboklarda çıxışını başa vuran son Premyer Liqanın qalibi "Bakı" klubu bir neçə günlük istirahətdən sonra məşqləri bərpa edib. Apasport.az saytının məlumatına görə, ölkənin əsas milli komandasına dəvət almış Cəmşid Məhərrəmov və Saşa Yunisoğlunun, həmçinin U-21 milli komandasının heyətinə çağırılan Bəxtiyar Soltanovun xidmətindən yararlana bilməyən "Bakı" Tofiq Bəhramov adına Respublika stadionunda keçirilən məşqdə əsasən fiziki çalışmalara üstünlük verilib.

Qeyd edək ki, komandanın təcrübəli yarımmüdafiəçisi Mahmud Qurbanov da hələlik məşqlərə qatılmır. Buna səbəb Mahmud Qurbanovun ayaq əzələsini dartmasıdır. Digər zədəli futbolçu Elvin Əliyev isə komanda ilə birgə yüngül məşqlərə başlayıb.

• "Barselona" "Mançester Yunayted"in hücumçusunu ala bilər
• "Borussiya"da ciddi itki
• “Monako”da yeni müqavilə
• Yamal ən yaxşı adına layiq görüldü
• Yassin Benzia Əlcəzair millisində