Belçikanın “Standard” klubunun futbolçusu Aksel Vitsel və ailəsinin həyatı təhlükə ilə üzləşib. Apasport.az saytının məlumatına görə, lyejlilərin Belçika çempionatının “Anderlext”lə oyunundan sonra Vitsellərin evinə basqın olub. 1:1 hesabı ilə nəticələnən görüşdə rəqib futbolçu Marçin Vasilevskinin ayağını sındıran Akselin atası Tyerri dəhşətli hadisə ilə üzləşdiklərini etiraf edib: “Evimizi daşa basdılar. Biz elə qorxurduq ki, ölümümüzü göz ününə gətirmişdik. Qapı və pəncərələri tanımadığımız adamlar döyürdülər. Bu anlarda ailəmiz evdən bayıra çıxmağa cəsarət etmirdi”.

Qeyd edək ki, Belçika Futbol Federasiyası rəqibə yetirdiyi bu xəsarətə görə Vitseli 10 oyunluq cəzalandırıb.

• "Barselona" "Mançester Yunayted"in hücumçusunu ala bilər
• "Borussiya"da ciddi itki
• “Monako”da yeni müqavilə
• Yamal ən yaxşı adına layiq görüldü
• Yassin Benzia Əlcəzair millisində