“Oyuna yaxşı başlamışdıq. İlk 15-20 dəqiqə ərzində inamlı təsir bağışladıq. İkinci hissədə hadisələr tam başqa cür oldu. Oyuna nəzarəti itirdik. Azərbaycan yığması yaxşı oynadığı üçün hesabı açdı”. Apasport.az saytının Lənkərana ezam olnumuş xüsusi müxbirinin məlumatına görə, bu sözləri Finlandiya yığmasının baş məşqçisi Stüart Bakster dünya çempionatının seçmə qrup mərhələsində Azərbaycan milli komandası ilə görüşdən sonra deyib.

Bakster bildirib ki, yığmamız üzərində qələbə bəxt sayəsində qazanılıb: “Məğlub duruma düşdükdən sonra taktikanı dəyişdik. Bir qədər də bəxtimiz gətirdi. Çox şadıq ki, səfərdə 3 xal əldə etdik”.

O, milli komandamızın problemlərinin nələrdən ibarət olduğunu açıqlayıb: “Bu məsələyə tənqidi prizmadan yanaşmaq istəmirəm. Azərbaycanlı futbolçular yaxşı top saxlayırlar. Sadəcə, onların qol vurmaqla bağlı problemləri var”.

Lənkəranlı azarkeşlərin fantastik olduğunu söyləyən Bakster özünü Berti Foqtsla müqayisə etmək fikrindən daşınıb: “Mən heç vaxt özümü həmkarlarımla müqayisə etmirəm. Bir dəfə Arsen Vengerin komandasını məğlub etmişəm. Ancaq özümü onunla müqayisə etmək fikrim yoxdur. 7 oyuna 1 xal toplasaydım, mən də Berti Foqts kimi istefa verməzdim. Əksinə, aşağı yaşlılardan ibarət yığmalara diqqət göstərərdim, məqsədimə çatardım”.

Qeyd edək ki, Lənkəran şəhər stadionunda keçirilən matçda yığmamız 1:2 hesabı ilə uduzub.

• "Lion" 2-ci Liqaya düşürülür - ŞOK
• "Yuventus" Poqba ilə yollarını ayırıb - RƏSMİ
• Buffon ən yaxşı adına layiq görülüb
• “İnter”də yeni müqavilə
• Alonso "Real"a qayıtmağa yaxındır