Azərbaycan milli komandasının qapıçısı Kamran Ağayevin apasport.az saytına müsahibəsi

- Finlandiya ilə oyundan təxminən bir sutka keçib. Bu matçdan sizdə hansı təəssüratlar qalıb?
- Azərbaycan torpağında uduzmaq olmaz. Yaxşı oynayanda da uduzuruq, pis oynayanda da. Artıq burada başqa problemlər var.

- Hansı problemləri nəzərdə tutursunuz?
- Bunu deyə bilmərəm.

- 1:0 hesabını qorumaq üçün nə çatışmadı?
- Həmişə bizdə nəsə çatışmır. Hər dəfə bir bəhanə tapırıq. Olmaz belə! Onu bilirəm ki, əlimizdən gələn budur.

- Öz oyununuzdan razı qaldınızımı?
- Əgər qapıçı top buraxıbsa, deməli onun səhvi var. “Çərçivə”ni necə qorumağından asılı olmayaraq, qolun buraxılmasında qapıçı da günahkardır.

- Almaniya ilə qarşılaşmadan nə gözləyirsiniz?
- Bu boyda yol qət ediriksə, məqsədimizin qalib gəlmək olduğu dəqiqdir. Mənim üçün fərqi yoxdur ki, rəqib İspaniyadır, Almaniyadır, yoxsa Braziliya. Hara olursa-olsun qələbə qazanmağa yollanırıq. Meydandakı 11 nəfərin hamısı belə fikirləşərsə, qalib gələrik.

• “Fənərbaxça”nın legioneri millidə zədələnib
• "Fənərbaxça" - "Zenit" matçında "rəhbərlik istefa" şüarları
• "Lion" 2-ci Liqaya düşürülür - ŞOK
• "Yuventus" Poqba ilə yollarını ayırıb - RƏSMİ
• Buffon ən yaxşı adına layiq görülüb