Qadın futbolçular arasında Avropa çempionatına yekun vurulub. Apasport.az saytının məlumatına görə, Finlandiyada keçirilən yarış gözlənildiyi kimi, Almaniya yığmasının qələbəsi ilə başa çatıb. Finalda İngiltərə yığmasını topa tutan Bundestim 6:2 hesablı qələbə qazanıb.

Görüşdə ilk və son qolu məşhur futbolçu Birqit Prins vurub. Çempionatın bombardiri İnka Qrinqs də dublla fərqlənib. Digər qolları Melani Beringer və Kim Kuliq vurub. Futbolçuların yaradıcıları isə yalnız iki dəfə Karen Kerni və Kelli Smitin sayəsində hesab müvafiq olaraq, 2:0 və 3:1 olarkən fərqi minimuma endirməyi bacarıb. Lakin məğlubiyyətdən qurtulmaq müşkül məsələyə çevrilib.

Üçüncü yer uğrunda oyun keçirilmədiyindən, Hollandiya və Norveç yığmalarının hər ikisi bürünc mükafata layiq görülüb.

Qeyd edək ki, sayca 10-cu dəfə keçirilən Avropa çempionatında almanlar 7-ci dəfə qalib adını qazanıb. Bu zəfərləri son 8 birincilikdə qeyd edən Bundestim 1995-ci ildən bəri ardıcıl 5 dəfə çempion olmaqla, titulu heç kimə verməyib.

• UEFA “Yuventus”a təzminat ödəyəcək
• Türkiyə millisinin əfsanə futbolçusu reanimasiyaya yerləşdirilib
• Ronaldodan yeni rekord
• “Fənərbaxça”nın legioneri millidə zədələnib
• "Fənərbaxça" - "Zenit" matçında "rəhbərlik istefa" şüarları