“Oyuna çox yaxşı hazırlaşmışdıq. İlk 2 turda məğlub olduğumuz üçün qələbə bizim üçün önəmli idi. Digər tərəfdən, "Karvan"ın baş məşqçisi kimi 150-ci oyunuma çıxırdım. Yubiley matçımı qələbə ilə qeyd etməyi çox istəyirdim”. Apasport.az saytının məlumatına görə, bunu “Karvan” klubunun baş məşqçisi Yunis Hüseynov Premyer Liqanın IV turunda “Qəbələ” üzərində qazanılan 4:1 hesablı qələbədən sonra deyib.

Görüşdən sonra təşkil olunan mətbuat konfransında Hüseynov bildirib ki, futbolçuları verilən tapşırıqların öhdəsindən layiqincə gəliblər: “Uşaqlara təşəkkür edirəm. Bu cür gözəl oyun sərgilədilər. İndi bütün diqqətimizi növbəti oyunlara yönəldəcəyik. Qələbə seriyasını davam etdirməyə çalışacağıq”.

• Premyer Liqa klubunda ayrılıq
• “Real” La Liqa matçının təxirə salınmasını istəyir
• Alleqri: “Leao qalacaq, Modriç avqustda gəlir”
• İngiltərə millisinin üzvü "Nyukasl"ı tərk edib - RƏSMİ
• Luis Suarez “Sportinq”ə keçir?